Jin sapno ke motiyon ko dil main piroya tha,
aaj wo tumne aankhon se baha diye.
Jin khwabon aur khayalon ko phoolon se sajaya tha,
Aaj wo sab tumne ek phoonk se hi murrjha diye.
Jin sunahare dino ko yaad kar k dil khush hota tha..
Aaj wo tumne peetal aur taamba bana diye..
Tumhari har baat ko dil se chipka ke rakha tha,
Na jane kyun tum ye dil hi cheer k chal diye.
Humne to apna bhala bura sonchna chhod diya tha,
Aankhen band kar manzil ki or chale the.
Dil main bharosa aur hath main hath liye,
tumhari zindagi k tarazu main apni khushiyon ko taul chale the.
Hume kya maalum tha ki aadhe raste main tumhara hath choot jayega,
Aankhen khone pe bhi sirf andhera hi andhera nazar aayega.
Lakh pukarne pe bhi tumhari aahat tak mehsoos nahi hui,
shayad main hi pagal tha jo akele hi mazil ki aor chala ja raha tha.
Sath rehne ki kasme khayi thi , vaada kiya tha..
aaj unhi ko todte waqt tumne ek baar na soncha.
Tumhe chot na aaye to sahara ban k piche khada tha,
tumhi ghayal kar k chali jaogi, ek baar na tha soncha.
Syahi se jo likha tha , aankhon se nikli boonden baha gayi,
jo khoon main likha tha use kaise mitaun,?
Aap to khushi khushi alvida keh k chal diye,
Jo gulistaan maine basaya tha use kaise hataun.?
Gir k khada hona seekha hi tha,
Aaj shayad taang hi toot gayi.
ladkhada k chalna seekha hi tha
ki zindagi apahij banane aa gayi.
Koi baat nahi humsafar, Ye bhi jhel lenge,
Ye dil mazboot hai, Ise bhi seh lenge.
Jitni dhoop badhani hai badha lo aee saaki.
Hum bhi musafir hai , Chav dhoond hi lenge.!!
